Italııanyń «Roma» klýby byltyr jazda tusaýy kesilgen fýtboldan Konferensııa lıgasynyń alǵashqy jeńimpazy atandy. Rımdikter fınalda Nıderlandtyń «Feıenoord» klýbynan 1:0 esebimen basym tústi.
Albanııanyń bas shahary – Tıranadaǵy «Eır Albanııa» stadıonynda uıymdastyrylǵan kezdesýde match taǵdyryn Nıkolo Dzanolonyń jalǵyz goly sheship ketti. Osylaısha, Rımniń «Roma» klýby Eýrokýbok tarıhyndaǵy jańa týrnırdiń alǵashqy jeńimpazy atandy. Bul – «Romanyń» 1961 jylǵy «Jármeńke kýbogynan» (qazirgi Eýropa lıgasy – red.) keıin jeńip alǵan alǵashqy iri jetistigi. Al «Feıenoord» óz tarıhynda bir ret Eýropa chempıondar kýbogy (qazirgi Chempıondar lıgasy – red.) men eki ret ÝEFA kýbogynda (Eýropa lıgasy) top jarǵan.
Konferensııa lıgasynyń alǵashqy maýsymynda Qazaqstannyń «Qaırat» klýby toptyq kezeńge deıin jetip, birde-bir oıynda jeńiske jete almaı, óz kvartetinde sońǵy orynda qalyp qoıǵan bolatyn.