BORT N1 Telegram-kanalynda «Aqorda» rezıdensııasynyń ortalyq holyna erekshe kórik berip turǵan «Otan qorǵaýshy» jáne «Otbasyn saqtaýshy» eskertkishteri týraly málimet usynyldy, dep habarlaıdy Egemen.kz.
Músinderdiń avtory – belgili qazaq músinshisi Erbolat Tólepbaı. Olardy altyn men kúmisti aralastyra otyryp, qola men alıýmınııden quıǵan.
«Bul óner týyndylarynyń sımvoldyq máni zor. Jas sarbazdyń tulǵasynan halqymyzdyń órligi men batyldyǵyn tanýǵa bolady. Al balasyn qushaqtap turǵan ana beınesi beıbitshilikti, jasampazdyqty jáne ómirdiń jalǵasatynyn bildiredi», delingen habarlamada.