Pavlodar oblysynda belgisiz zatpen ýlanyp, qaıtys bolǵandar sany altyǵa jetti, dep habarlaıdy Egemen.kz.
Pavlodar oblysy Densaýlyq saqtaý basqarmasynyń málimetinshe, er adam jansaqtaý bóliminde qaıtys boldy.
«1980 jylǵy naýqastyń jaǵdaıy óte aýyr boldy. Ol 29 mamyrda tańerteń qaıtys boldy», dep habarlady vedomstvo ókilderi.
Dárigerlerdiń aıtýynsha, qazir jansaqtaý bóliminde Ertisten Pavlodardyń qalalyq aýrýhanasyna jetkizilgen taǵy bir er adam bar. Onyń jaǵdaıy da óte aýyr.
Eske salaıyq, Pavlodar oblysynyń Ertis aýylynda 7 er adam belgisiz zatpen ýlandy. Olardyń bári aýyl turǵyndarynyń birinde kanıstrde saqtalǵan belgisiz suıyqtyqty ishken. Ýlanǵandardyń úsheýi úıde, taǵy ekeýi Ertis aýdanynyń aýdandyq aýrýhanasynda qaıtys boldy. Keıinirek taǵy bir adam qaıtys bolǵany belgi boldy. Marqumdardyń arasynda áke men uly bar.
Atalǵan derek boıynsha polıseıler tekseris júrgizip, aýyl turǵyndarynyń deneleri sot saraptamasyna tapsyryldy. Sondaı-aq, kanıstrdegi suıyqtyq qaldyqtaryna saraptama taǵaıyndaldy.