Bıylǵy jyldyń kókteminde qazaqstandyq agrarshylarǵa kóktemgi egis naýqany jumystaryna 360 myń tonna arzandatylǵan janar-jaǵarmaı bólinetin bolady.
Munaı jáne gaz mınıstrligi Aýyl sharýashylyǵy mınıstrligimen birlese otyryp, 2011 jylǵy 20 shildedegi №463 IV «Munaı ónimderiniń jekelegen túrleriniń óndirisin jáne aınalymyn memlekettik retteý týraly» zań negizinde 2014 jylǵy kóktemgi egis naýqany jumystaryna janar-jaǵarmaı jetkizý boıynsha munaı óndirý zaýyttaryn oblystarǵa bekitý týraly kesteni bekitti. Naýryz aıynan mamyrǵa deıin aýylsharýashylyq taýarlaryn óndirýshilerge bir tonnasy úshin 98 312 teńge baǵamen 360 myń tonna arzandatylǵan janar-jaǵarmaı bólinetin bolady.
Aýylsharýashylyq taýarlaryn óndirýshilerge arzandatylǵan janar-jaǵarmaıdy jetkizý zańnamalyq deńgeıde bekitilgen, al ony tıeý-túsirý boıynsha táýlik saıyn monıtorıng júrgizý mınıstrliktiń baqylaýynda.
«Egemen-aqparat».