Eki el kásipkerleri júzdesti

Mundaı júzdesýler bizdiń oblys pen Reseıdiń Altaı ólkesi bıznes qurylymdary arasyndaǵy serik­testikti damytýǵa múmkindik beredi. Oblystyq kásipkerler palatasynyń bastamasymen altaılyq kásipkerler óńirge kelip, jergilikti áriptesterimen V2V formatynda júzdesti. Bıznes bıznes úshin degen mundaı formattaǵy júzdesýdiń ereksheligi kásipkerler ózara bir-birimen  tanysyp, erkin suh­battasady. Kásipkerler palata­sy dırektorynyń orynbasary Gomar Qajkenovtiń aıtýynsha, jalpy, ekijaqty baılanystyń  bıznestiń alǵa basýyna qosar úlesi  úlken. Altaı ólkesinen «Bıısk  zaý­yty», «Gýkov» sharýa qojalyǵynyń basshylyǵy qatysty. Bizdiń oblystan «Bogatyr-Kómir» JShS, «Maıkýben-Vest», «Pavlodar munaı-hımııa zaý­y­ty» seriktestikteri, «Talapker» «Romanenko» sharýa qojalyqtary jáne «Metro» saýda kesheni syndy basqa da  bıznes qurylymdary boldy. Olar reseılik kásipkerlermen  bir kúnde 12 kezdesý ótkizdi. Men pavlodarlyq 7 kásipkermen kezdestim. Mysaly, «Metro» saýda keshen, «Renata» dúkender jelisimen taýarlarymyzdy oblys kóleminde saýdalaý úshin kelisimshart jasadyq,  deıdi altaılyq «Gýkov» sharýa qoja­­lyǵynyń basshysy Aleksandr Gýkov. Aleksandr pavlodarlyq «Ro­manenko», «Sherbak», «Talap­ker» sharýa qojalyqtaryn Altaı ólke­sine kelip qaıtýǵa shaqyrypty. Al «Bıısk zaýyty» ókilderi «Maı­kýben-Vest», «PMHZ» kásip­oryn­darymen kelisimder jasasty. Oblystyq aýyl sharýashylyǵy basqar­masy­nyń ókilderimen júzdesip, oblys orta­­lyǵyndaǵy «Pavlodar» arna­ıy ekonomıkalyq aımaǵyndaǵy «Kaýs­tık» AQ-tyń óndirisimen tanysty. Farıda BYQAI, «Egemen Qazaqstan». Pavlodar oblysy.