Atyraý oblysy ákiminiń burynǵy orynbasary Baqytgúl Hamenova men oblystyq mádenıet basqarmasynyń basshysy Aqylbek Rysqalıev isi sotqa jetti, dep habarlaıdy Egemen.kz «Aq Jaıyq» basylymyna silteme jasap.
Oblystyq sottyń baspasóz qyzmetiniń málimetinshe, 26 mamyrda Atyraý qalasynyń №2 sotyna Atyraý oblysy ákiminiń orynbasary Baqytgúl Hamenova men Atyraý oblysynyń mádenıet, tilderdi damytý jáne muraǵat isi basqarmasynyń basshysy Aqylbek Rysqalıevke qatysty qylmystyq is kelip túsken.
Hamenova men Rysqalıevqa QR Qylmystyq kodeksiniń 366-baby 3-bóligi 2-tarmaǵy (Bir top adamnyń aldyn ala sóz baılasý arqyly para alýy) boıynsha aıyp taǵyldy.
Eske salaıyq, Atyraý oblysy ákiminiń orynbasary Baqytgúl Hamenova para aldy degen kúdikpen ustalǵan bolatyn. Atyraý oblysynyń arnaıy tergeý soty oblys ákiminiń orynbasary Baqytgúl Hamenovany úıqamaqqa alý týraly sheshim shyǵardy.
Onymen birge oblystyq mádenıet basqarmasynyń basshysy Aqylbek Rysqalıev te ustaldy.