Memleket basshysy qazaqstandyqtardy Halyqaralyq balalardy qorǵaý kúnimen quttyqtady, dep habarlaıdy Egemen.kz Aqordaǵa silteme jasap.
«Qurmetti otandastar!
Halyqaralyq balalardy qorǵaý kúni – erekshe qýanysh pen meıirimge toly shýaqty meıram.
Balanyń kúlkisi men baqytynan artyq eshteńe joq ekenin osy merekede bárimiz aıqyn sezinemiz.
О́skeleń urpaqtyń jan-jaqty damýyna qolaıly jaǵdaı jasaý – memleketimizdiń basty mindetiniń biri.
Biz zamanaýı mektepter men jaıly balabaqshalar salyp, ınnovasııalyq ortalyqtar, oqýshylar saraılaryn jáne sport keshenderin ashyp jatyrmyz. Úıirmeler men seksııalar da uıymdastyrylǵan.
«Balalar jyly» aıasynda kóptegen jańa jobalar qolǵa alyndy. Árbir balanyń talabyn ushtap, darynyn ashýdy kózdeıtin túrli is-sharalar júzege asyrylýda.
Memleket jyldan jylǵa bul baǵyttaǵy jumysty kúsheıte túsedi. О́ıtkeni, jas urpaqtyń myqty azamat bolyp ósýi elimizdiń turaqty damýyna jáne baıandy bolashaǵyna jol ashady.
Jas qazaqstandyqtardy jáne barsha jurtty osy jarqyn merekemen quttyqtaımyn!
Sizderge zor densaýlyq, baq-bereke tileımin!», delingen Qasym-Jomart Toqaevtyń quttyqtaý sózinde.