Pavlodar oblysyndaǵy Baıanaýyl memlekettik ulttyq tabıǵı parkinde shyqqan órtti sóndirý jumystary jalǵasyp jatyr, dep habarlaıdy Egemen.kz.
«2 maýsym kúni saǵat 12.10-da Baıanaýyl aýdanynda MUTP aýmaǵynda Jasybaı orman sharýashylyǵy 17 oram, 32 ýchaske jáne Baıanaýyl orman sharýashylyǵy shekarasynda qurǵaq shóp órtenip jatqany týraly habarlama tústi. О́rt Taqyr taý sııaqty jetý qıyn jerlerde bolǵan. Sonymen qatar sóndirý jumystaryna qatty jel bóget bolyp otyr», deıdi Pavlodar oblysy tótenshe jaǵdaılar departamenti basshysynyń orynbasary Qaırat Shaımardenov.
Qyzyl jalyn shamamen 10 gektar alqapqa taralǵan. О́rtti sóndirýge 40-qa jýyq tehnıka men 100-den astam adam jumyldyryldy. Sondaı-aq ákimdik jibergen 30 adam baqylaý kúzetinde tur.
Keshe bastalǵan órttiń beti qaıtqanymen zardaptaryn joıý jumystary áli jalǵasyp jatyr. О́rttiń shyǵý sebepteri, jalpy aýmaǵy men keltirilgen shyǵyn kólemi áli anyqtalǵan joq.
Saltanat Kenjebaı