Memleketaralyq izdeý jarııalanǵan Ánýarbek Jeksenǵalıev ustaldy, dep habarlaıdy Egemen.kz Qarjylyq monıtorıngi agenttiginiń baspasóz qyzmetine silteme jasap.
Ánýarbek Bolatuly Jeksenǵalıevti Almaty qalalyq ekonomıkalyq tergeý departamentiniń qyzmetkerleri ustaǵan.
Eske salsaq, Á. Jeksenǵalıevke 1,1 mlrd teńge bıýdjet qarajatyn jymqyrdy degen aıyp taǵylǵan.
Osydan bir aı buryn oǵan memleketaralyq izdeý jarııalanǵan bolatyn.
«Qarjylyq monıtorıng agenttigi kásipker Jeksenǵalıev Ánýarbek Bolatuly jáne Medetbekov Erkin Qalqabaıulyna izdeý jarııalady. Olar 1,1 mlrd teńge somasynda bıýdjet qarajatyn jymqyrdy degen kúdikke ilindi. Kúdiktiler bıýdjet qarajatyn jymqyrýdy aldyn ala sóz baılasý arqyly top bolyp uıymdastyrǵan», delingen habarlamada.
Sondaı-aq, agenttik izdeý salynǵan azamattarǵa qatysty aqparat úshin aqshalaı syıaqy qarastyrylǵanyn jetkizdi.