Qaraǵandy oblystyq Densaýlyq saqtaý basqarmasynyń basshysy bolyp Qaldybek Ismaılov taǵaıyndaldy, dep jazady Egemen.kz oblys ákiminiń baspasóz qyzmetine silteme jasap.
Qaldybek Ismaılov 1973 jyly dúnıege kelgen. Úsh joǵary bilimi bar: 1997 jyly Qaraǵandy memlekettik medısına akademııasynyń emdeý fakýltetin, al 2014 jyly Almaty Ekonomıka jáne statıstıka akademııasyn «menedjment» mamandyǵy boıynsha támamdady jáne 2020 jyly «Densaýlyq saqtaý salasyndaǵy menedjment» mamandyǵy boıynsha MBA magıstrligin bitirdi.
Eńbek jolyn 1997 jyly Qaraǵandy qalasyndaǵy «Ftızıatrııa» OB-nyń ókpe-hırýrgııalyq bólimshesinde hırýrg bolyp bastaǵan.
2012 jyldan bastap Jezqazǵan qalalyq týberkýlezge qarsy dıspanseriniń bas dárigeri boldy. Odan keıin Temirtaý qalalyq týberkýlezge qarsy dıspanseriniń dırektory, Qaraǵandy oblystyq týberkýlezge qarsy dıspanseri dırektorynyń orynbasary qyzmetterin atqardy.
2017 jyldan 2018 jylǵa deıin Almaty qalasyndaǵy Ulttyq ftızıopýlmonologııa ǵylymı ortalyǵynyń emdeý jónindegi úılestirýshisi, dırektordyń orynbasary boldy.
2018 jyldyń qazan aıynan bastap osy ýaqytqa deıin Qaraǵandy oblystyq ftızıopýlmonologııa ortalyǵyn basqardy.