Qostanaı oblysy boıynsha Cybaılas jemqorlyqqa qarsy qyzmet «Oblys ákimdiginiń jumyspen qamtýdy úılestirý jáne áleýmettik baǵdarlamalar basqarmasy» MM laýazymdy adamdaryna qatysty adam saýdasy faktisi boıynsha sotqa deıingi tergeýdi bastady, dep habarlaıdy Egemen.kz Antıkordyń baspasóz qyzmetine silteme jasap.
Olar oblystyń áleýmettik mekemeleriniń birinde memlekettiń qamqorlyǵynda bolǵan áreketke qabiletsiz azamatshany Nur–Sultan qalasyndaǵy qarttarǵa arnalǵan jeke pansıonatqa tegin jumys kúshi retinde paıdalaný úshin tabystady degen kúdikke ilindi.
Kúdiktilerdiń biri sottyń sanksııasymen úı qamaýyna alyndy.
Kúdiktilerge qatysty olardyń kinásiniń dárejesin anyqtaı otyryp, túpkilikti sheshim tergeý nátıjeleri boıynsha qabyldanady.
QR QPK 201-babyna sáıkes tergeý múddesindegi ózge aqparat jarııa etýge jatpaıdy.