Senatta Qarjy jáne bıýdjet komıtetiniń keńeıtilgen otyrysy boldy. Depýtattar saqtandyrý jáne baǵaly qaǵazdar naryqtaryn retteý men damytýǵa, sondaı-aq bank qyzmetine qatysty zań jobasyn talqylady, dep jazady Egemen.kz Parlament Senatynyń baspasóz qyzmetine silteme jasap.
Qujatta jańa qarjy ónimderin engizý, qyzmetterdi odan ári sıfrlandyrý, tutynýshylar men ınvestorlardyń quqyqtaryn qorǵaý sapasyn arttyrý kózdelip otyr.
«Zań jobasynda usynylǵan túzetýler halyqty saqtandyrý aýqymyn keńeıtý, saqtandyrý qyzmetine qol jetkizý múmkindikterin arttyrý, osy qyzmetti tutynýshylardyń quqyqtaryn qorǵaý sapasyn arttyrý esebinen saqtandyrý sektorynyń el ekonomıkasyndaǵy mańyzyn arttyrýǵa jáne saqtandyrý naryǵy kórsetkishteriniń odan ári ósýine yqpal etedi», dedi senator Jeńis Nurǵalıev.
Zań jobasynda úsh negizgi bólik: saqtandyrý sektory, baǵaly qaǵazdar naryǵy jáne bank qyzmeti qarastyrylyp otyr.
Senatorlar komıtettiń keńeıtilgen otyrysynyń qorytyndysy boıynsha zań jobasyn Palatanyń qaraýyna jiberý týraly sheshim qabyldady.