Páter urlyǵyn jasady degen kúdikpen elorda aýmaǵynda jeke tasymaldaýmen aınalysqan 41 jastaǵy Tájikstan azamaty ustaldy, dep habarlady Egemen.kz qalalyq polısııa departamentine silteme jasap.
Aqparatqa súıensek, polısııaǵa júgingen qala turǵyny bir kún buryn qonaqta bolǵan. Masań kúıde saǵat 23.00-de úıine jetý úshin taksı shaqyrǵan.
«Kórsetilgen mekenjaıǵa jetkende taksı júrgizýshisi klıentten sý ishýdi ótingen. Júrgizýshimen úıge birge kirgen mas jolaýshy páterde uıyqtap qalǵan. Er adamnyń jaǵdaıyn kórip, júrgizýshi urlyq jasaýǵa sheshim qabyldap, páterdi tintı bastaǵan. Taksı júrgizýshisi uıaly telefondy, «Samsýng» markaly planshetti, 100 myń teńge kóleminde aqshalaı qarajatty qoldy qylǵan. Sonymen qata, úı ıesiniń aıaq kıimderi men flıp-floptaryn da ózimen birge alyp ketken», delingen habarlamada.
Kúdiktige qatysty sotqa deıingi tergeý amaldary júrgizilýde. Ustalǵan azamat óz kinásin moıyndap, zattaı aıǵaq tárkilenip, ıesine qaıtaryldy.
Qazir onyń buryn jasalǵan osyǵan uqsas qylmystarǵa qatystylyǵy tekserilip jatyr.