Parlament palatalaryn qurýdyń referendým arqyly maquldanǵan jańa erejesi segizinshi shaqyrylymnyń Májilis depýtattaryn saılaýdan bastap qoldanylady. Bul týraly Ádilet vıse-mınıstri Alma Muqanova ortalyq kommýnıkasııalar qyzmetinde ótken brıfıngte aıtty, dep habarlaıdy Egemen.kz.
«Parlament palatalaryn qurýdyń jańa tártibin aıqyndaıtyn normalar segizinshi shaqyrylymnyń Májilis depýttattaryn saılaýdan bastap qoldanylady», dedi mınıstrdiń orynbasary.
Sondaı-aq ol jetinshi shaqyrylym depýtattary ázirge taratylmaıtynyn túsindirdi.
«BAQ ókilderi qazir bizge «Konstıtýsııalyq reformalardan keıin jetinshi shaqyrylym taratyla ma?» degen sııaqty suraqtar qoıyp jatyr. Qazir jetinshi shaqyrylym jumys istep jatyr. Olar 2026 jyldyń birinshi jartyjyldyǵynyń aıaǵyna deıin óz qyzmetin jalǵastyrady. Qazir jetinshi shaqyrylymdy taratý týraly másele qoıylyp otyrǵan joq», dedi Alma Muqanova.
Aıana Toǵanbek