Ádilet mınıstrliginde «Namys» partııasyn tirkeý máselesi qaralyp jatyr. Bul týraly vıse-mınıstr Alma Muqanova Ortalyq kommýnıkasııalar qyzmetinde ótken brıfıngte aıtty, dep habarlaıdy Egemen.kz.
«Meniń bilýimshe, qazir «Namys» partııasyn tirkeý máselesi qarastyrylyp jatyr. Qazir tirkelgen 6 partııa bar. Taǵy birneshe partııany tirkeý jumystary 2019 jyly bastalǵanyn bilesizder. Biraq qujattaryndaǵy keıbir sáıkessizdikterge baılanysty olardy tirkeý jumystary toqtatylǵan edi», dedi mınıstrdiń orynbasary.
Sondaı-aq ol Elbasy týraly Konstıtýsııalyq zań kúshin joısa, Prezıent týraly Konstıtýsııalyq zań eks-prezıdent Nursultan Nazarbaevqa tıisti kepildikter beretinin aıtty.
«Búkil eks-prezıdentterdi qamtıtyn norma tıisti Konstıtýsııalyq zańda bar. Elbasy týraly zań jobasy joıylsa da, bizde Prezıdent týraly Konstıtýsııalyq zań jobasynda tıisti kepildikterdi qamtıtyn normalar bar», dedi Alma Muqanova.