Almatyda ruqsat qujatynsyz 14 myńǵa jýyq nysan salynǵan. Bul týraly Senattyń jalpy otyrysynda Indýstrııa jáne ınfraqurylymdyq damý mınıstri Qaıyrbek О́skenbaev málim etti, dep habarlaıdy Egemen.kz.
Senattyń jalpy otyrysynda depýtat Olga Býlavkına ruqsat qujattarsyz salynǵan qurylys nysandaryna qatysty surady.
О́z kezeginde Q.О́skenbaev ruqsatsyz salynǵan qurylys nysandaryn zańdastyrý men súrip tastaý tártibi zańnamada rettelgenin jáne bul rásimder sot arqyly sheshiletinin aıtty.
«Almatynyń problemasyna toqtalsaq, sońǵy kezde qalaǵa birneshe aýdan qosyldy. Sondaǵy aýyldy eldi mekenderde zańdastyrylmaǵan nysandar kóp kezdesedi. Osy oraıda 14 myńǵa jýyq nysanǵa qatysty ruqsat qujaty rásimdelmegen. Basqa qalalarda osyndaı derekter sırek bolsa, al munda (Almatyda) kóptep kezdesedi», dedi mınıstr.
Vedomstvo basshysy Almatydaǵy máseleni sheshýdegi qadamdar nátıjeli bolýy kerek ekenin aıtty.
Aıana Toǵanbek