Parlament Senatynyń Prezıdent taǵaıyndaǵan 15 depýtaty ókilettik merzimi aıaqtalǵanǵa deıin qyzmette bolady. Bul týraly Ádilet vıse-mınıstri Alma Muqanova ortalyq kommýnıkasııalar qyzmetinde málim etti, dep habarlaıdy Egemen.kz.
«Konstıtýsııaǵa negiziletin jańa túzetýler boıynsha zań qabyldaýdyń jańa tártibi bolady. Ol «Májilis qabyldaıdy, Senat maquldaıdy» degen qaǵıdatpen jumys isteıdi. Bul normalar 2023 jyldyń 1 qańtarynan bastap kúshine enedi. Sondaı-aq Konstıtýsııanyń 63-babyna sáıkes, jańa tártip konstıtýsııalyq zań jobalaryn qabyldaý rámisinde de, jaı zań jobalaryn qabyldaý rásiminde de qoldanylady», dedi vedomstvo ókili.
Vıse-mınıstrdiń sózine qaraǵanda, laýazymdy adamdarǵa ókilet berýdiń jańa tártibi de búgin-erteń kúshine ene qoımaıdy.
«Laýazymdy adamdarǵa ókilettik berýdiń jańa tártibi QR Konstıtýsııasynda ózgeshe kózdelmese, osy laýazymdy adamdardyń ókilet merziminiń aıaqtalýyna nemese ókilettiginiń tolyq toqtaýyna qaraı qoldanysqa engiziledi. Mysaly, Senattaǵy Prezıdent taǵaıyndaıtyn 15 depýtat merzimi aıaqtalǵanǵa deıin óz ókilettigin saqtaıdy. Sondaı-aq Konstıtýsııalyq sot pen Joǵarǵy aýdıtorlyq palata qurylǵanǵa deıin Konstıtýsııalyq keńes pen Esep komıteti jumysyn jalǵastyrady», dedi Alma Muqanova.