Italııada ótken «Adrıatıka-Ionıka» kópkúndigi óz máresine jetti. «Astana» klýbynyń veloshabandozy Vadım Pronskıı atalǵan jarysta tabysty óner kórsetti.
24 jastaǵy Nur-Sultan qalasynyń týmasy byltyr osy dodada úshinshi oryn alǵan bolatyn. Bıyl da dál sol mejeden kórindi. Bul joly Pronskıı tek ıtalııalyq Fılıppo Zana men erıterııalyq Natnael Tesfasıonnan ǵana qalyp qoıdy. Jalpy, qazaqstandyq sportshynyń sporttyq mansabynda eleýli tabystar az emes. Bastapqyda Vadım jastar arasynda Qazaqstan men Azııa chempıony atanyp, «Djıro del Valle-d’Aosta» kópkúndiginde dara shyqty. «Elzas Týry», «Aýstrııa týry», «Horvatııa týry», «Gvadelýpa týry», «Langkavı týry» sekildi birqatar básekede de jeńis tuǵyryna kóterildi. Keıinnen eresekter dýyna qosylyp, birqatar halyqaralyq jarysta ózin jaqsy qyrynan kórsetti.
Al Fransııadaǵy «Krıterıým Dofıne» kópkúndiginde astanalyqtar sátsiz óner kórsetýde.