Jańaózendik jas, bolashaq dáriger Asqar Eskendir Qyrǵyzstan Respýblıkasynyń Bishkek qalasynda ótken «Sheksiz medısına» jáne «Qalypty topografııalyq anatomııa» atty halyqaralyq olımpıadada top jardy. Olımpıadalyq saıys bıyl 19-21 mamyr aralyǵynda klınıkalyq anatomııa jáne operatıvti hırýrgııa ǵylymdary boıynsha ótip, halyqaralyq olımpıadaǵa Qazaqstan, Qyrǵyzstan, О́zbekstan memleketteriniń jastary qatysqan.
Jańaózendik Asqar Eskendir – Marat Ospanov atyndaǵy Batys Qazaqstan medısına ýnıversıtetiniń jalpy medısına fakýltetiniń 3-kýrs stýdenti. Halyqaralyq ǵylym báıgelerinde Qazaqstannyń atyn qorǵap júrgen jańaózendik jas buǵan deıin B.N.Elsın atyndaǵy Qyrǵyz-Reseı-Slavıan ýnıversıtetinde ótken «Sheksiz medısına» Halyqaralyq olımpıadasynan «Úzdik vıdeovızıtka jáne komanda prezentasııasy» konkýrsy boıynsha I oryn, I.K.Ahýnbaev atyndaǵy Qyrǵyz ulttyq medısına akademııasynda ótken «Qalypty jáne topografııalyq anatomııa» Halyqaralyq olımpıadasynan «Úzdik vıdeovızıtka jáne komanda prezentasııasy» konkýrsy boıynsha I oryndy qanjyǵasyna baılaǵan bolatyn.
Asqar syndy talantty jastardyń jetistigi el erteńi úshin qýanýǵa múmkindik beredi.
Mańǵystaý oblysy