Fýtboldan UEFA Ulttar lıgasynda S dıvızıonynda Qazaqstan ulttyq quramasy elordadaǵy «Astana Arena» stadıonynda Slovakııa komandasyn qabyldady, dep habarlaıdy Egemen.kz.
Buǵan deıin qazaqstandyqtar óz tobynda 7 upaımen kósh bastap kele jatqanymen, ekinshi oryndaǵy slovakııalyqtar negizgi favorıt edi.
О́z alańynda Qazaqstanǵa 0:1 esebimen ese jibergen Slovakııa elordaǵa qalaıda qarymta qaıtarý úshin kelgen edi. Bul oıynda quramaǵa oralǵan Ashat Taǵybergen kapıtandyq tizgindi qaıta qolǵa aldy. Al Islambek Qýat eki ret eskertý alǵandyqtan, matchtan tys qaldy.
Birinshi taımda 18-mınýtta oń qaptaldaǵy Mıhaıl Gabyshevtan pas alǵan Iаn Vorogovskıı esep ashty. 31-mınýtta Iа.Vorogovskııdiń taǵy bir gol soǵatyn múmkindigi boldy. Esesine 39-mınýtta taǵy da oń qaptaldan A.Taǵybergen bergen dopty Elhan Astanov baspen torǵa dál túsirdi. Bul E.Astanovtyń ulttyq quramadaǵy alǵashqy goly edi.
Ekinshi taımda 51-mınýtta slovakııalyq Matýsh Beronyń aıyp alańyna kirmesten, tepken doby golǵa aınaldy – 1:2. Budan keıin Igor Shaskıı eki márte óz qaqpasyn aman alyp qaldy. 87-mınýtta dóreki oınaǵan slovakııalyq Ondreı Dýda alańnan qýyldy.
Osylaısha, qarsylasyn 2:1 esebimen tize búktirgen Qazaqstan quramasy upaı sanyn 10-ǵa jetkizdi. Reseılik maman Magomed Adıev jattyqtyrǵannan beri qazaqstandyqtar tórt kezdesýinde úsheýinde jeńiske jetti. Bul – tamasha nátıje.
Qazaqstan quramasy qalǵan oıyndaryn qyrkúıek aıynda ótkizedi. 22 qyrkúıekte Belarýsty qabyldasa, úsh kúnnen keıin syrt alańda Ázerbaıjanmen kezdesedi.
Eske sala keteıik, budan buryn fýtboldan Ulttar lıgasynda Slovakııa komandasy Ázerbaıjandy utqanyn jazǵan bolatynbyz.
Sondaı-aq Qazaqstan – Slovakııa kezdesýine tóreshiler belgilendi.