Veterınarlar dári-dármekterdi satyp alý prosesin jedeldetýdi surady. О́ńirde vırýstyq dıareıa men juqpaly aýrýlarǵa qarsy vaksınanyń 350 myńnan astam dozasy jetispeıdi, dep habarlaıdy Egemen.kz.
«Astana» telearnasy habar taratqandaı, Qaraǵandy oblysynyń Shet aýdanynda 76 sıyr men buzaý qyryldy. Taǵy 150-den astam mal baqylaýda.
Aýrý janýarlardyń eti sórelerge túspeýi úshin Aqshoqy kentinde sanıtarlyq beket qoıylyp, ushalary arnaıy peshterde órteledi.
Fermerlerdiń aıtýynsha, mal birneshe kún ishinde letargııa, dirildeý, dene qyzýy jáne tamaqtanýdan bas tartý sııaqty birdeı belgilermen aýyryp, qyrylǵan.
Jergilikti veterınarlar bul anaerobty ınfeksııa dep sanaıdy, sebebi mal tıisti vaksınamen egilmegen.
Qaraǵandy oblysynyń veterınarııa basqarmasynyń basshysy Qaıyrbek Tursynbekov vaksınasııa jospary Ýkraınadaǵy qarýly qaqtyǵysqa baılanysty oryndalmaǵanyn málimdedi.
«Biz birden juqpaly aýrýǵa kúdiktenemiz. Nelikten anaerobtarǵa? Sebebi jospar boıynsha bul aýylda biz 3 myń basty vaksınasııalaýymyz kerek, al bizde vaksına bolmaǵandyqtan maldyń 25%-yn ǵana vaksınasııaladyq. Ýkraına da, Reseı de bizge vaksına jetkizetin. Dıagnostıka Ýkraınadan kele jatyr. Josparly vaksınasııa boıynsha biz de qajetti kólemdi almadyq», deıdi ol.
Mamandardyń aıtýynsha, aýrýdyń taralýyna daladaǵy qurǵaq ystyq aýa-raıy yqpal etken.