ASTANA. 23 sáýir. Prezıdent janyndaǵy Ortalyq kommýnıkasııalar qyzmetinde ótken brıfıngte Aýyl sharýashylyǵy mınıstrligi agroónerkásiptik keshendegi memlekettik ınspeksııa basqarmasynyń basshysy Arman Abdýllın Keden odaǵyna múshe memleketter arasynda ımporttyq karantındik ruqsat alý toqtatylǵanyn málimdedi. Bul týraly Bnews.kz habarlady.
Arman Abdýllınniń sózine qaraǵanda, 2011 jyldyń 19 mamyryndaǵy Eýrazııalyq ekonomıkalyq odaq memleketaralyq keńesiniń sheshimine sáıkes, Keden odaǵy elderi arasynda karantınge jatqyzylǵan ónimderdi alyp júrýge jáne ákelýge arnaıy ruqsat alýdyń endi qajeti joq.
Taǵy bir aıta keter jáıt, Keden odaǵy aıasynda ósimdikter karantınine baılanysty birneshe túıtkilder ońtaılandy. Iаǵnı, Keden odaǵyna múshe memleketter arasyndaǵy tasymal kezinde, sonymen qatar, ózge elderden osyndaı ónimderdi ımporttaý kezinde birqatar kedergilerdi joıý isi sheshimin tapty.
Joldybaı Bazar.
Derekkóz: Bnews.kz.
Foto: MUNARA.kz.