Aqtaý qalalyq soty qyzyn uryp-soǵyp, abaısyzda óltirip alǵan áıelge qatysty úkim shyǵardy, dep habarlaıdy Egemen.kz.
Aqtaý qalalyq soty 2022 jylǵy 10 maýsymdaǵy úkimimen abaısyzda jábirlenýshiniń ólimine ákep soqqan densaýlyqqa qasaqana aýyr zııan keltirdi dep aıyptalǵan sottalýshy anaǵa qatysty qylmystyq isti qarady (QK 106-baby 3-bólimi).
2022 jyldyń 4 qańtarynda kishkentaı qyzyn uryp, ony bar kúshimen ıterip jibergen kezde balada gematoma paıda boldy. 8 qańtar kúni shamamen túngi saǵat 2-de ashýǵa ábden býlyqqan áıel búldirshin qyzynyń ish qýysynan judyryǵymen qaıta soqqy jasady. Odan keıin balany jalǵyz qaldyryp, ketip qalǵan. Kishkentaı balanyń máıitine júrgizilgen sot-medısınalyq saraptamasynyń qorytyndysyna sáıkes, ólim ish qýysynyń jaraqaty saldarynan bolǵan.
Sot úkimi boıynsha ol QK 106-babynyń 3-bóliminde kózdelgen qylmystyq quqyqbuzýshylyq jasaǵany úshin kináli dep tanylyp, 8 jyl jylǵa sottaldy.
Aıana Toǵanbek