Qazaqstandyq ǵalymdar biregeı fıbrındi gıdrogel ázirledi. Ony qoldaný arqyly 15 qazaqstandyqqa tize býynynyń shemirshegin qalpyna keltirý operasııasy jasaldy.
Operasııa jasalǵan jandardyń kóbi – býyn aýrýlarymen aýyratyn 50 jastan asqan adamdar. Alǵashqy pasıent oń jaq tize býynynyń artrozy bar 28 jastaǵy azamat boldy. Ǵalymdardyń aıtýynsha, uqsas dıagnozdarmen emdeýdiń birneshe ádisi bar, biraq gıdrogeldi qoldaný – zaqymdalǵan býyndar men shemirshekti tolyǵymen qalpyna keltirýge múmkindik beretin jalǵyz ádis.
Jańa tehnıkanyń negizgi ázirleýshisi – Ulttyq bıotehnologııalyq ortalyq janyndaǵy Diń jasýshalary zerthanasynyń meńgerýshisi Vıacheslav Ogaı.
«Úsh aı ishinde fıbrındi gıdrogeldiń klınıkalyq synaqtarynda 15 eriktige operasııa jasadyq. Pasıentterdiń basym bóligi – jasyna baılanysty býyndarynda ózgeristeri bar adamdar. Operasııa 15-25 mınýtqa deıin sozylady. Sondaı-aq barlyq operasııa shtattyq rejimde jasaldy. Naýqastar alty aıda saýyǵyp ketedi, biraq egde jastaǵylardyń ońalýyna uzaǵyraq ýaqyt ketýi múmkin. Osy kezeń ótkennen keıin alǵashqy nátıjelerdi jarııalaı alamyz», dedi ǵalym V.Ogaı.
Klınıkalyq synaqtar akademık N.Batpenov atyndaǵy Travmatologııa jáne ortopedııa Ulttyq ǵylymı ortalyǵynda naýryz aıynda bastaldy. Zertteýdiń alǵashqy eki kezeńi osy jyldyń sońyna deıin jalǵasady. Keıin birneshe ortalyqta klınıkalyq synaqtar ótkiziledi. Onyń nátıjesinde bıomedısınalyq preparatty tirkeý, ony jappaı óndirý jáne býyn aýrýlary bar adamdarǵa keńinen qoldaný josparlanyp otyr. Prosedýrany aqyly da, kvota boıynsha tegin de alýǵa bolady.
Aıta ketý kerek, ádisteme Bilim jáne ǵylym mınıstrliginiń qarjylaı qoldaýymen jasalǵan. Ǵylymı jobaǵa Ulybrıtanııa elshiligi qyzyǵýshylyq tanytyp otyr.
Arýjan NAǴAShYBAI,
L.N.Gýmılev atyndaǵy Eýrazııa ulttyq ýnıversıtetiniń 2-kýrs stýdenti