Qostanaı oblysy boıynsha Sybaılas jemqorlyqqa qarsy qyzmet «Qaztemirtrans» AQ Qostanaı fılıalynyń dırektory kásipkerlerden júk vagondaryn kedergisiz jáne jedel bergeni úshin para alǵany áshkerelendi, dep habarlaıdy Egemen.kz.
«Kúdiktige qatysty sot «kúzetpen ustaý» bultartpaý sharasyn sanksııalady. Qorytyndy sheshimdi sot qabyldaıdy. Qylmystyq-prosestik kodeksiniń 201-babyna sáıkes tergeý múddesindegi ózge aqparat jarııa etýge jatpaıdy», delingen habarlamada.
Aıta keteıik, 19 mamyrda Prezıdent Qasym-Jomart Toqaev Qazaqstan kásipkerlerimen kezdesý ótkizdi.
Osy kezdesýde Memleket basshysy bıznestiń jumysyna zańsyz kedergi jasaý memleket múddesine qarsy baǵyttalǵan qylmys retinde qaralýǵa tıis ekenin atap ótip, basym mindetterdiń biri – bızneske qysym kórsetý faktorlaryn anyqtaýdyń neǵurlym tıimdi júıesin qurý ekenin aıtty.