Ersultandaı er bolsa

Elimiz egemendik alyp, jańa memlekettik ınstıtýttardy qu­rý mindeti alǵa qoıylǵanda ony is júzine asyrýǵa qabiletti Er­sultan sııaqty kadrlarǵa úlken suranys týdy. Sóıtip, Ersultan О́teǵululy 90-jyldardyń basynda Taldyqorǵan oblystyq halyq depýtattary keńesiniń, oblys ákimshiligi basshysynyń apparattaryn basqardy. Keńes Odaǵy ydyrap, sharýashylyq baı­lanystar úzilip, ekonomıka qul­dyrap, halyqtyń áleýmettik jaǵ­daıy qatty nasharlaǵan tus­ta, tıisti retteý salasynda kún saıyn týyndap jatqan problemalardy sheshýmen aınalysa jú­rip, endi ǵana negizi qalanǵan osy mekemelerdiń qurylymyn qalyptastyryp, jumysyn jolǵa qoıyp, qyzmetkerler quramyn jasaqtaýǵa jetekshilik etti.

Ersultan О́teǵululy Syrt­qy ister mınıstrliginde, Qazaq­stannyń Germanııadaǵy tuńǵysh elshiliginde dıplomatııalyq qyz­met atqarǵan kezde memlekettik deńgeıdegi saıasatker retinde tanyldy. Eki el arasyndaǵy qa­rym-qatynasty qalyptasty­­ryp, nyǵaıtý, Respýblıkamyz­dyń halyqaralyq bedelin kúsheıtý, ekonomıka salalaryna ınvestı­sııalar tartý sııaqty asa aýqymdy, kúrdeli mindetter onyń iskerlik qarym-qabiletin odan ári ushtap, kózqaras kókjıegin odan saıyn keńeıte tústi.

Ersultan О́teǵululynyń so­dan keıingi qyzmet joly Pre­zıdent Ákimshiliginde jalǵasyp, 16 jyldan astam ýaqyt bólim meńgerýshisiniń orynbasary, bólim meńgerýshisi bola júrip, memlekettik qyzmet salasynyń qalyptasyp, damýyna molynan eńbek sińirdi.

Erteden kele jatqan «Báriniń kilti – kadrda» degen sóz bar emes pe, shynynda da, kez kelgen eldiń tabysty damýy onyń kadrlarynyń, ıaǵnı, jaýapty memlekettik qyzmetkerleriniń daıarlyq deńgeıine baılanysty. Sol sebepti Memleket basshysy Táýelsizdiktiń alǵashqy kúni­nen bastap osy máselege basa mán berip, 1993 jyly ekonomıkalyq daǵdarys órship tursa da halyq­aralyq «Bolashaq» stıpendııa­syn belgilep, talapty jastary­myzdy jyl saıyn bıýdjet qara­jatynyń esebinen sheteldiń ozyq oqý oryndaryna bilim alýǵa ji­berip otyrdy. Sonymen qatar buryn qoldanylǵan keńestik kadrlarmen jumys júıesiniń ornyna memlekettik apparattyń tıimdiligin, elimizdegi reformalaý prosesterin uıymdastyrýshy­lar men júrgizýshilerdiń kásibı quzyretin arttyrýǵa múmkindik beretin jańa qyzmet júıesin qurýǵa qajettilik týdy. Sóıtip, 1995 jyly úzdik álemdik praktıkany zertteý negizinde TMD elderiniń arasynda alǵash bolyp «Memlekettik qyzmet týra­ly» zań qabyldandy. Onda «mem­lekettik qyzmet», «memlekettik qyzmetshi» uǵymdary bekiti­lip, negizgi retteý qaǵıdatta­ry men erejeleri belgilendi. Osy kezeńde el Prezıdentiniń atalǵan salany reformalaý bo­ıynsha belgilep bergen mindet­teri men tapsyrmalarynyń ári qaraı oryndalýyn úılestirý men baqylaýǵa joǵaryda atal­ǵan zań jobasyn ázirleýge tike­leı atsalysqan Ersultan Bek­turǵanovtaı bilimdi, jigerli, táji­rıbeli mamandardyń kelgeni zańdy da.

Ersultan О́teǵululy elimizde biryńǵaı kadr saıasatyn iske asyratyn organ – Memleket­tik qyzmet isteri agenttigin jáne Memlekettik basqarý Akade­mııa­syn qurý, olardyń fýnksııalaryn aıqyndaý men jańa qurylymdardyń erejelerin da­ıyndaý, memlekettik ákimshilik qyzmetshiler laýazymdarynyń tizilimi men sanattarynyń tiz­besin bekitý, bos orynǵa konkýrs arqyly ornalasý, tártiptik jaza qoldaný jáne basqa da qa­jetti qaǵıdalardy belgileıtin Pre­zıdent Jarlyqtarynyń jo­ba­laryn ázirleý, talqylaý, je­til­dirý jónindegi jumysqa bel­sene aralasty. 1999 jyly «Mem­lekettik qyzmet týraly» ekin­shi zańnyń qabyldanýy sa­la­nyń quqyqtyq jaǵynan ret­telýin sapalyq turǵydan jańa deń­geıge kóterdi. Eldiń saıasa­tyn aıqyndaıtyn «memlekettik saıası qyzmetshi» uǵymy engizildi. Osy sanattyń quqyqtyq mártebesi, ókilettikteri, ákimshilik qyz­met­shilerden ereksheligi aıqyn­daldy. Jańa zańda kózdel­gen erejelerdi iske asyrý úshin Pre­­zıdent Jarlyǵymen Mem­le­kettik qyzmetti ótkerý tár­tibi týraly ereje bekitildi. Mem­lekettik qyzmetshilerdi oqytý tujyrymdamasy jáne basqa qujattar qabyldandy. Munyń bári elimizde júrgizilip jatqan reformanyń jetik jáne kemshin tustaryn tııanaqty túrde taldap, halyqaralyq ozyq tájirıbe­ni zerdeleý, sonyń nátıjesinde tıisti normalardy tujyrym­dap, ǵalymdarmen, sarapshylarmen talqylaý sııaqty jan-jaqty jumysty talap etti. Sonyń bel ortasynda Ákimshiliktiń kadr qyzmeti jáne onyń basshysy Ersultan Bekturǵanov júrdi.

Erekeń 2012 jyly Májilis depýtattyǵyna saılanyp, Pala­tanyń Halyqaralyq ister, qor­ǵanys jáne qaýipsizdik komıteti­ne múshe boldy. Ol dıplomatııa­lyq mektepten ótken kásibı ma­man bolǵandyqtan, memleketara­lyq qatynastardy retteıtin sharttar men zań jobalarynyń naǵyz bilgiri retinde birden kózge túsip, osy salada túıtkildi máseleniń túıinin tarqatatyn, qajet kezinde oı qosatyn aqylshymyzǵa aınaldy. Áriptesimiz kez kelgen máseleni qaraǵanda bir sáttik emosııaǵa boı berip, asyǵystyqqa salynbaı, jan-jaqty jete zert­tep, bir qaraǵanda kózge kó­rine bermeıtin qyrlaryn tegis saraptap, qoǵamda orynsyz kú­mán týǵyzatyn shıkili-pisili she­shimniń shyǵyp ketpeýine basa mán beretinimen erekshelendi. Sondyqtan basqa áriptesterimiz onyń kótergen máselelerin, usy­nystaryn, depýtattyq saýal­­daryn árdaıym qoldap, oǵan birlesken avtor esebinde qosy­lýǵa nıetti bolatyn.

E. Bekturǵanov depýtat retinde óte belsendi qyzmet atqardy. Elimizdiń basqa óńirlerin aıt­paǵanda, bir ǵana Almaty obly­synyń ózinen Jambyl aýdanynda sý qubyrjolyn tartý, Sarqan qalasy arqyly aınalma jol salý, Aqsý qant zaýytyn qalpyna keltirý, Alakól kóliniń jaǵasyn abattandyrý, orta mektepterdi kompıýterlermen qamtamasyz etý, Qapal aýylynyń Mádenıet úıine kúrdeli jóndeý júrgizý, Qaratal aýdanynyń aýmaǵyndaǵy áskerı bólimder áskerı qyzmetshileriniń mártebesin ózgertý, azamattar­dyń áleýmettik máselelerin sheshý, Ile aýdanyndaǵy №48 mektepke T.Aıbergenovtiń atyn berý, I.Jan­­súgirovtiń 120 jyldyǵyna arnalǵan is-sharalardy ótkizý, Oblystyq ardagerler keńesine turaqty kómek kórsetý jáne bas­qa da máselelerdiń der kezinde, tolyq sapaly sheshilýin óz baqy­laýynda ustap, qadaǵalap otyr­dy. Oblystyq Aqsaqaldar keńe­simen turaqty baılanysta bolyp, qoıylǵan suraqtardy der kezinde sheshýge atsalysyp júr­di. El úshin atqarǵan eseli eń­begin erekshe baǵalaǵan Jetisý jur­ty Ersultan Bekturǵanovqa «Almaty oblysynyń qurmetti azamaty» ataǵyn berdi.

Sondaı-aq ol ótinish, aryz-shaǵymdarymen kelgen ár azamat­tyń qoıǵan suraqtaryn sheshýge, kómektesýge barlyq kúsh-jigerin salýǵa tyrysatyn. Keıbir aryz ıeleriniń qolynan jetektep jú­rip, quzyrly organdardyń basshylarymen talaı kezdesýler uıymdastyryp, bastaǵan isterin aıaǵyna deıin jetkizip júrdi. Osyndaı eńbegi úshin azamattardy qabyldaý isinde «Úzdik depýtat» degen ataqqa da ıe boldy.

El óńirlerine jumys saparymen barǵanynda saılaýshylarmen kezdesýler ótkizip, halyqtyń kókeıinde júrgen ­problemalardy bılikke jetki­zip, tıisti sheshimin tabýyna kúsh sal­dy. Parlamenttiń aty­na jol­danǵan asa ózekti másele­ler bo­ıynsha Úkimettiń jáne basqa mem­lekettik organdar­dyń atyna depýtattyq saýal jol­dap otyrdy.

Elbasynyń jáne Memleket basshysynyń saıasatyn qoldaý­ǵa baǵyttalǵan, sondaı-aq Nur Otan partııasynyń mindetteri men usynystary boıynsha res­pýb­lıkalyq buqaralyq aqpa­rat quraldarynda maqala, pikir­ler jarııalap, eldi birlikke, tir­lik­ke, táýelsizdigimizdi nyǵaı­týǵa ba­ǵyt­talǵan suhbattar berip ­jú­rýdi jumys tártibine aınaldyr­dy.

Zań shyǵarý salasynda Ha­lyq­aralyq ister, qorǵanys jáne qaýip­sizdik komıteti jaýapty bolyp belgilengen kóptegen zań jobasynyń jumys tobyna je­tekshilik etip, basqa da zań jo­ba­lary boıynsha jumys topta­ryna belsene qatynasyp, óz usy­­nystaryn ortaǵa saldy. Qazaqstan Respýblıkasynyń Pre­zıdenti 2019 jylǵy 26 qa­ra­shada qol qoıǵan «Qazaq­stan Respýblıkasynyń keı­bir zańnamalyq aktilerine memle­kettik qyzmet jáne sybaılas jem­qorlyqqa qarsy is-qımyl máse­leleri boıynsha ózgerister men tolyqtyrýlar engizý týraly» Qazaqstan Respýblıkasy­nyń zańyn jeke bastamasy boıyn­sha ázirledi.

Sonymen qatar UQShU PA Qor­ǵanys jáne qaýipsizdik má­se­leleri jónindegi turaqty ko­mıs­sııasynyń, NATO Parla­ment­tik Assambleıasynda baı­qaýshy retinde Qazaqstan Res­pýb­lıkasynyń atynan parlamenttik delegasııanyń, TMD-ǵa qatysýshy memleketter Parlamentaralyq Assambleıasynyń, Qazaqstan Res­pýb­lıkasynyń О́zbekstan Respýblıkasy parlament­shi­lerimen, Fınlıandııa parlament­shilerimen yntymaqtastyq jó­nindegi parlamentaralyq top­tarynyń múshesi retinde túrli el­dermen parlamentaralyq baılanysty nyǵaıtyp, halyqaralyq ózara tıimdi qatynastardyń odan ári keńeıýine súbeli úles qosty. El ishinde Memlekettik qyzmet isteri agenttigi janyndaǵy Mem­lekettik organdardyń memle­kettik qyzmet isteri boıynsha qyzmetiniń máseleleri jónindegi qoǵamdyq keńestiń, Sybaılas jemqorlyqqa qarsy is-qımyl máseleleri jónindegi qoǵamdyq keńestiń, Nur Otan partııasynyń fraksııasy janyndaǵy «Kólik-logıstıka ınfraqurylymyn damytý» baǵyty boıynsha ko­mıssııanyń quramynda atalǵan salalarda oryn alyp otyrǵan problemalardy anyqtap, sheshýge, bolashaqta atqarylatyn sharalardy belgileýge atsalysty.

Alys-jaqyn shetelderde ót­ken Prezıdent, Parlament saı­­laý­laryna birneshe ret eli­mizdiń atynan baıqaýshy re­tinde qatysyp, onyń nátıjesinde túıgen bilikti tujyrymdary men pikirlerin tıisti organdarǵa tapsyrdy.

Halqymyzda «Segiz qyrly, bir syrly» degen qanatty sóz bar. Erekeń ómir boıy mem­le­kettik qyzmette júrse de óner­ge, sportqa, aqyndyqqa jaqyn azamat. Bala kezinen syrnaıy qolynan túspegen, án salýdy ózi­ne kúndelikti dástúr etip al­ǵan áýesqoı ánshi. Bir kitapqa júk bolatyn eki júzge jýyq óleń shýmaǵyn jazyp júrgenin dos­tary jaqsy biledi. Jańa el­ordaǵa kóship kelgennen keıin «Saryarqa» ardagerler voleı­bol sport klýbyn quryp, kóp­te­gen aza­mattyń basyn qosyp, uıym­dastyryp, salaýatty ómir saltyn nasıhattaýǵa, biraz jas­tardyń úlken sport arenasynan kórinýine jeke úlesin qosty. Bul eńbegi úshin «Qazaqstan sporty­na eńbegi sińgen qaıratker» ata­ǵy berildi.

Ersultan О́teǵululy mi­nez­ge baı. Senimdi. Dostyqqa adal. Úl­kenge izet, kishige syı­las­tyq­­­pen qaraıtyn, adamgershilik qun­­dylyqtardy qurmetpen ustaı­tyn, tektiliktiń týyn bıik kó­teretin, týmysynan baýyr­­lastyqqa, jylylyqqa be­ıim tulǵa. О́mirden túıgeni, bil­geni mol, kemel shaqqa kelgen Ere­keńdeı azamattyń elge be­reri, izin basyp kele jatqan jas­tarǵa áli de úıreteri kóp. Sol jolda Jaratýshy jar bolyp, densaýlyǵyn myqty, ómir jasyn uzaq qylǵaı!

Qýanysh SULTANOV,

memleket jáne qoǵam qaıratkeri