Ormanshylar Baıanaýyl tabıǵı qoryǵyn jibek qurty basqanyn anyqtady, dep habarlady Egemen.kz Pavlodarnews.kz saıtyna silteme jasap.
«Tórt kún ishinde qurttar japyraqty túgeldeı derlik jep, aǵashtardy jalańashtap tastady. Jaqyn kelip qarasańyz, aǵashtyń qýramaǵanyn, tek japyraqsyz qalǵanyn kórýge bolady. Bul jibek qurtynyń jańa oshaǵy, oǵan baqylaý júrgizilmedi. Bir aptaǵa sozylǵan aptap ystyq onyń paıda bolýyna yqpal etti», dedi ulttyq park dırektorynyń mindetin atqarýshy Farhat Syzdyqov.
Onyń aıtýynsha, buryn qoryq aýmaǵynda bir gektardan aspaıtyn jerde jibek qurty paıda bolǵan. Ormanshylar ruqsat etilgen preparattardyń kómegimen óz betinshe kúres júrgizgen.
О́tken jyly dernásilder múldem bolmaǵan. Al bıyl zııankesterden zardap shekken aýmaq 50 gektardan asyp otyr.
Buǵan deıin mamandar Pavlodar aýdanynyń ár aýylynda zııankesterdiń birneshe oshaǵyn anyqtaǵan. Ásirese, Grıgorev aýyldyq okrýgi qatty zardap shekken.
Ertis aýdanynda sary qanat jibek kóbeleginiń dernásilderi paıda bolǵan. Olar Qaraqudyq aýyldyq okrýgindegi qaıyń jaryqshaqtarynan anyqtaldy.