Qaýipti hımııalyq qaldyqtardy órtegen kókshetaýlyq kásipker 3 jylǵa sottaldy, dep habarlaıdy Egemen.kz Aqmola oblystyq prokýratýrasynyń baspasóz qyzmetine silteme jasap.
«Zerendi aýdandyq sotymen Qylmystyq kodekstiń 325-b. 3-b. boıynsha «EKO-Garant» JShS-niń bas dırektory A.A.Temirov kináli dep tanylyp, oǵan 3 jyl bas bostandyǵynan aıyrý jazasy taǵaıyndaldy. Ol 2016-2019 jyldary aralyǵynda quramynda sıanıd bar qaýipti hımııalyq qaldyqtardy kómip, jaqqan. Bul qorshaǵan ortaǵa asa iri mólsherde zalal keltirgen», dep jazylǵan prokýratýranyń habarlamasynda.
Kásiporyndaǵy qorshaǵan ortanyń lastanýy apatty deńgeıde bolǵany anyqtalǵan.
Sotpen kásiporynnan qorshaǵan ortany qalpyna keltirý maqsatynda 150 mln teńge shamasynda aıyppul óndirilip alynǵan.