Mádenıet jáne sport mınıstrliginiń qoldaýymen «Býrabaı» demalys ornynda kórkemdik jáne bilim berý keńistigi aıasynda zamanaýı ónerdiń halyqaralyq ART TALK jyl saıynǵy II sımpozıýmynyń ashylý saltanaty ótti. Atalǵan is-shara Aqmola oblysynyń týrızmin damytý maqsatynda uıymdastyrylyp otyr.
Joba aıasynda halyqaralyq alańda tájirıbe almasý úshin jyl saıynǵy plener men kórmeni ótkizý, zamanaýı ónerdiń kókeıkesti máselelerin talqylaý, sondaı-aq Ulttyq mýzeı qorlaryn zamanaýı sýretshilerdiń kórkem týyndylarymen tolyqtyrý josparlanǵan. Sımpozıýmǵa Qazaqstan, AQSh, Koreıa, О́zbekstan jáne Mońǵolııa elderinen 16 sýretshi qatysyp otyr.
Halyqaralyq ART TALK jobasynyń ashylýyna quttyqtaý hat joldaǵan Mádenıet jáne sport mınıstri Dáýren Abaev atalǵan sımpozıým álemniń ár túkpirinen kelgen sýretshilerge tájirıbe almasýǵa taptyrmas múmkindik ekenin aıtqan.
Jobanyń bıylǵy maýsymynyń negizgi taqyryby jappaı sıfrlandyrý kezeńindegi HHI ǵasyr sýretshisiniń róline arnalǵan.
Aıta keteıik, halyqaralyq ART TALK jyl saıynǵy II sımpozıýmy 20 maýsymǵa deıin jalǵasady. Al jabylý saltanaty 21 maýsym kúni Ulttyq mýzeıde qorytyndylanyp, sýretshilerdiń jańa týyndylarynan kórme uıymdastyrylady.