ASTANA. 24 sáýir. Memleket basshysy Nursultan Nazarbaev búgin ashylǵan HII Eýrazııalyq medıaforýmnyń (EAMF) ashylý saltanatyna oraı qatysýshylarǵa sáttilik tilegen hat joldady. Ony jurtshylyqqa Memlekettik hatshy Ádilbek Jaqsybekov oqyp berdi. Bul týraly Total.kz habarlady.
Prezıdent hatynda: «Qazirgi kezde Eýrazııalyq medıaforým halyqaralyq arenada keńinen tanymal. Bul forým álemdegi eń mańyzdy degen máselelerdi talqylaıtyn, sondaı-aq, túrli túıtkilderdiń kúrmeýin sheshý jolyn izdeıtin alańǵa aınaldy», – dep atap kórsetti.
О́ziniń Eýrazııalyq ekonomıkalyq odaq týraly ıdeıasyn jarııalaǵanyna bıyl 20 jyl tolyp otyrǵanyna toqtalǵan Memleket basshysy joldaý haty arqyly: «Bul medıaforýmnyń Astanada ótkizilýinde tereń mán bar. О́ıtkeni, Astana Eýrazııa halyqtarynyń bir-birine jaqyndaýyna, ortaq til tabysýyna, jan-jaqty baılanys ornatýyna qatysty belsendi qyzmet atqarýda. Bizdi tarıhı, ulttyq-mádenı jáne keń aýqymdy iskerlik baılanystar biriktiredi», – degen oıyn jetkizdi.
Sondaı-aq, N.Á.Nazarbaev: «Búginde eýrazııalyq ıntegrasııa úderisi damýdyń jańa belesine kóterildi. Dál osy Astanada 2014 jyldyń mamyrynda Eýrazııalyq ekonomıkalyq odaq qurý týraly asa mańyzdy qujatqa qol qoıylady», – dedi.
Buǵan qosa, Memleket basshysy Eýrazııalyq medıaforýmnyń memleketterdiń bir-birine degen senimin kúsheıtýdegi jáne ultaralyq kelisim men beıbitshiliktiń saqtalýy baǵytyndaǵy mańyzdy rólin sóz etti.
«Forým halyqaralyq kúrdeli saıası ahýal qalyptasyp otyrǵan qarsańda uıymdastyrylyp otyr. Sońǵy aılarda oryn alǵan kóptegen oqıǵalar etnosaralyq yntymaqtastyq taqyrybyn qaıta qaraýǵa meńzeýde. Osy forým aıasynda órbıtin áńgimeler ózara kelisim men tatýlyqtyń irgesin bekite túsedi dep úmittenemin», – dedi Prezıdent.
N.Á.Nazarbaev 12 jyldyq tarıhy bar forýmnyń jumysyna osyǵan deıin 60 elden 5 myńdaı adam qatysqanyn, olardyń arasynda bilikti sarapshylar, tanymal saıasatkerler, beldi jýrnalıster jáne belsendi qoǵam qaıratkerleri bar ekenin eske túsirdi. Sonymen qatar, forýmnyń qyzmeti týraly materıaldar qazaqstandyq jáne sheteldik 500-den asa buqaralyq quraldaryna jarııalanǵanyn aıtty.
Sóz sońynda Memleket basshysy mártebeli jıynǵa qatysýshylarǵa sáttilik tiledi.
Esterińizge sala keteıik, Eýrazııalyq medıaforým resmı túrde 2001 jyly tirkelgen bolatyn. Onyń alǵashqy jıyny 2002 jyly ótken.
XII Eýrazııalyq medıaforým 25 sáýir kúni aıaqtalady. Alqaly jıynda Sırııa men Ýkraınadaǵa keleńsiz jaǵdaılar keńinen áńgime arqaýyna aınalmaq.
Joldybaı Bazar.
Derekkóz: Total.kz.
Foto: Qazmedia.kz.