Qazaqstanda zeınetaqy jınaqtaryn alý úshin qoldanylatyn eń tómengi jetkilikti shekti esepteý tártibi ózgertiledi. Jańa tásilge sáıkes, endi azamattyń jınaqtary alynǵannan keıin olardyń ómiriniń sońyna deıin aı saıynǵy tólemderge jetýi tekseriletin bolady, dep habarlaıdy Egemen.kz.
Qazirgi ýaqytta mınımaldy jetkilikti shek áleýmettik jáne boljamdy kórsetkishterge negizdelip esepteledi. Atap aıtqanda, eń tómengi jalaqy, kúnkóris deńgeıi jáne azamattyń bolashaqta aýdaratyn jarnalary eskeriledi.
Zeınetaqy qoryndaǵy qarajat beıbereket jumsalmaýǵa tıis
Jańa ádistemede bul tásilden bas tartylyp, naqty jınaqtyń ómir boıǵy tólemderdi qamtamasyz etý qabileti basty ólshemge aınalady. Iаǵnı jınaqtyń jetkiliktiligi azamatqa aı saıynǵy tólem jasaý múmkindigi arqyly baǵalanady. Mysaly, eger azamatta 6 mıllıon teńge zeınetaqy jınaǵy bolsa, buryn júıe bolashaq jarnalardy da eskerip, qarajattyń bir bóligin alýǵa ruqsat berýi múmkin edi. Al jańa tásil boıynsha 6 mıllıon teńgeniń ómir boıǵy tólemderge jetetini esepteledi. Eger jetkiliksiz bolsa, qarajatty sheship alýǵa ruqsat berilmeıdi.
Zeınetaqy jınaǵy artyp keledi
Jańa esepteý ádistemesi áli bekitilmegen, sondyqtan naqty mınımaldy jetkilikti shek mólsherleri keıinirek anyqtalady. Degenmen olar jas ereksheligine baılanysty saqtalyp, jyl saıyn makroekonomıkalyq, demografııalyq jáne qarjylyq faktorlar negizinde qaıta esepteledi.
Zeınetaqy tólemderinen 20% ustalynatyny ras pa?
Nurbolat AMANBEK