Qarjylyq monıtorıng agenttiginiń Shymkent qalasy boıynsha departamenti ıntensıvti alma baqtaryn qurý jáne damytýǵa arnalǵan memlekettik baǵdarlama aıasynda bólingen bıýdjet qarajatyn jymqyrý faktisi boıynsha tergeýdi aıaqtady, dep jazady Egemen.kz.
«Intensıvti alma baqtaryn daıyn kúıinde tapsyrý» baǵdarlamasy aıasynda «Aýyl sharýashylyǵyn qarjylaı qoldaý qory» AQ basqarma tóraǵasy J. Omarov baılanysy bar tulǵalar men baqylaýyndaǵy uıymdar, sonyń ishinde «Green Mart Kazakhstan» JShS-in tarta otyryp, memlekettik qarajatty jymqyrý shemasyn uıymdastyrǵan. Tergeý barysynda kúdiktilerdiń taýarlar men qyzmet bir kózden alý tásilimen júrgizilgeni anyqtalǵan. Sondaı-aq jabdyqtardyń, materıaldardyń jáne qurylys-montaj jumystardyń quny qoldan ósirilip, atqarylýy tıis jumystardyń bir bóligi is júzinde oryndalmaǵan. Zańsyzdyqtarǵa qaramastan jalǵan qabyldaý-tapsyrý aktileri rásimdelip, solardyń negizinde bıýdjet qarajaty aýdarylǵan. Nátıjesinde memleketke 430 mln teńgeden astam zalal keltirilgen.
Aqmola oblysynda mádenıet úıiniń esepshisi 58 mıllıon teńge jymqyrǵan
«Qosymsha agroónerkásipti memlekettik qoldaý sheńberinde bólingen ınvestısııalyq sýbsıdııalardy zańsyz alý faktileri de anyqtaldy. Osy maqsatta aýyl sharýashylyǵy kooperatıvteri qurylyp, olar arqyly baqtardy damytýǵa jáne jumsalǵan shyǵyndardy óteýge arnalǵan sýbsıdııa alýǵa ótinimder berilgen. Nátıjesinde olardyń shotyna jalpy somasy 327 mln teńgeden astam bıýdjet qarajaty aýdarylǵan. Alaıda qarajattyń tek shamamen 20%-y ǵana naqty iske jumsalyp, qalǵan bóligi 250 mln teńgeden astam qarjy senimdi adamdar arqyly qolma-qol aqshaǵa aınaldyrylyp, maqsatsyz paıdalanylǵan», delingen agenttik taratqan habarlamada.
Italııaǵa saıahat jáne qymbat tehnıka: Astanada emhana basshylyǵy bıýdjet qarjysyn jymqyrǵan
Atalǵan faktilerge baılanysty sot sanksııasymen jalpy aýdany 108 gektar bolatyn quny 1 mlrd teńgeden asatyn jer ýchastkelerine tyıym salynyp, kúdikti J. Omarov qamaýǵa alynǵan. Qylmystyq is sotqa joldanǵan.
Eske salaıyq, atalǵan fakti boıynsha Qordyń burynǵy basqarýshy dırektory M. Iskakov pen «Green Mart Kazakhstan» JShS-niń basshysy R. Sazynbekten 4 avtokólik tárkilenip, 8 jylǵa bas bostandyǵynan aıyrý jazasyna sottalǵan.