Ishki ister mınıstrliginiń ókili Shuǵyla Turlybek qazaqstandyqtar polısııaǵa 1,2 myń qarý tapsyrǵanyn aıtty, dep habarlaıdy Egemen.kz.
«Ishki ister mınıstrligi turǵyndardan zańsyz saqtalǵan atys qarýlaryn, oq-dári men jarylǵysh zattardy satyp alý respýblıkalyq aksııasyn jalǵastyryp jatyr. Qarý-jaraqty óz erkimen tapsyrǵan azamattarǵa ár qarýdyń jaı-kúıine baılanysty 10-nan 100 aılyq eseptik kórsetkishke deıingi soma tóleý kózdelgen. Aksııa ótkizilgen 2 aıdyń ishinde polısııaǵa azamattar 1 232 birlik qarý men 9 myńnan astam oq-dárini óz erikterimen tapsyrdy», dedi Shuǵyla Turlybek.
Mınıstrlik ókiliniń aıtýynsha, tapsyrylǵan barlyq qarý-jaraq Ishki ister mınıstrliginiń derekter bazasy arqyly krımınaldyq saraptamadan ótkiziledi.