ASTANA. 24 sáýir. О́tken senbi Shymkentte bolǵan ýshý-sandadan jarys kezinde 17 jasqa endi tolatyn jasóspirim qaza tapty. Bul týraly total.kz habarlady.
Jekpe-jek kezinde atalmysh bozbala moınynan qatty soqqy alyp, jaraqattanyp qalady. «Jedel járdem» kóligi ony shuǵyl aýrýhanaǵa jetkizedi. Jas sportshy osy alǵan jaraqatynan ońalmaǵan kúıi 22 sáýir kúni túnde úziledi.
Oblystyq sport jáne deneshynyqtyrý basqarmasynyń baspasóz hatshysy Sarbınaz Aldabergenovanyń aıtýynsha, jarysty «Tórjan» degen mektep uıymdastyrǵan, oǵan «oblystyq ýshý federasııasynyń da, qalalyq sport mektebiniń de eshqandaı qatystary bolmaǵan».
Al oblystyq ishki ister departamentiniń baspasóz qyzmetindegiler sportshynyń qaza tabý oqıǵasy boıynsha qylmystyq is qozǵalmaıtynyn jetkizdi.
«Bul baqytsyz jaǵdaı, sportshynyń jarys kezinde jaraqat alyp qalǵanyn myńdaǵan jankúıerler óz kózderimen kórdi», - dedi departament baspasóz qyzmetiniń jetekshisi Saltanat Qarakózova.
Qurysh Nurymbet.
Derekkóz: total.kz.
Foto: sports.kz.