Bul týraly QR Bas prokýratýrasy 1-qyzmet bastyǵy Cerik Shalabaev aıtty, dep habarlaıdy Egemen.kz.
«Bas prokýratýra qańtar oqıǵalaryna baılanysty qylmystyq isterdiń tergeý barysy týraly málimetterdi jarııalap jatyr. Belgili bolǵandaı, sol qaıǵyly kúnderi Almaty, Shymkent qalalarymen Aqtóbe, Atyraý, Almaty, Jambyl, Qyzylorda jáne Shyǵys Qazaqstan oblystarynda qıratý, memlekettik obektileri órteý, múlikti joıý jáne terrorızm aktileri boldy», dedi ol Ortalyq kommýnıkasııalar qyzmetindegi brıfıngte.
Onyń atap ótýinshe, prokýratýra organdarynyń qadaǵalaýynda 5 myńnan astam sotqa deıingi tergep-tekserý bar.
«Búgingi kúni elimizdiń ár óńirinde osy qylmystardyń uıymdastyrýshysy retinde 27 adam anyqtaldy. Olardyń qatarynda Almaty áýejaıyna shabýyl jasap, «Kóktóbe» telemunarasyn basyp alýǵa áreket jasaǵan tulǵalar da bar», dedi Serik Shalabaev.