Májiliste «Qazaqstan Respýblıkasynyń keıbir zańnamalyq aktilerine elektr energetıkasy, energııa únemdeý jáne energııa tıimdiligin arttyrý, jer qoınaýyn paıdalaný, jergilikti memlekettik basqarý jáne memlekettik shekara máseleleri boıynsha ózgerister men tolyqtyrýlar engizý týraly» QR Zańynyń jobasyna Senat engizgen ózgerister men tolyqtyrýlar qaraldy, dep habarlaıdy Egemen.kz.
Qujatqa engizilgen ózgeristerdi Ekologııa máseleleri jáne tabıǵat paıdalaný komıtetiniń múshesi, depýtat Dúısenbaı Turǵanov tanystyrdy.
Atalǵan qujatta páter ıeleri kooperatıvteri men kondomınýımdardyń ornyna múlik ıeleri birlestikteri men jaı seriktestikter qyzmetin engizý sharasyn kelesi jylǵa qaldyrý usynysy bar.
Jańa ózgerister men tolyqtyrýlar engizilgen qaýlyny Májilis depýtattary biraýyzdan qabyldady.
Sondaı-aq palata tóraǵasy Erlan Qoshanov Úkimetke Májiliste qaralmaǵan keıbir normalardy Senatqa aparyp, qaıta alyp kelýdi doǵarý kerektigin qadap aıtty.