«20 maýsym kúni Jańaarqa aýdanynda Aqtaý aýylynan 20 shaqyrym jerdegi sý qoımasyna 2009 jáne 2012 jyly týǵan eki qyz batyp ketti. Kıimmen tabylǵan qyzdardyń máıitin oqıǵa kýágerleri men Tótenshe jaǵdaılar departamentiniń qutqarýshylary sýdan shyǵardy», dep habarlady Qaraǵandy oblysy tótenshe jaǵdaılar departamentiniń baspasóz qyzmeti.
Qaıǵyly oqıǵaǵa qatysty oblystyq polısııanyń baspasóz qyzmeti de túsinikteme berdi.
«Bul is tirkeldi. Qajetti saraptamalar taǵaıyndaldy. Oqıǵanyń mán-jaıy anyqtalyp jatyr», delingen habarlamada.
21 maýsym kúni Tótenshe jaǵdaılar mınıstrliginde ótken brıfıngte elimizde shomylý maýsymy bastalǵaly beri sýǵa batyp, qaıtys bolǵandardyń statıstıkasy jarııalanǵan edi.
Vedomstvonyń málimetinshe, birinshi maýsymnan beri 36 adam sýǵa ketken, onyń 19-y balalar.
Aıana Toǵanbek