«Qazgıdromet» RMK 23-25 maýsym aralyǵyndaǵy aýa raıy boljamyn usyndy, dep habarlaıdy Egemen.kz.
Aldaǵy úsh táýlikte eldiń basym aýmaǵynda soltústik sıklon jyrasynyń ótýimen qubylmaly kún raıy saqtalady – naızaǵaı, jańbyr, daýyl kútiledi. Sondaı-aq burshaq jaýýy yqtımal.
23-24 maýsymda respýblıkanyń ońtústik-shyǵysynda, 25 maýsymda soltústiginde, soltústik-batysynda qatty jańbyr boljanady.
23 maýsymda kúndiz Atyraý oblysynyń ońtústiginde, 23-24 maýsymda Aqtóbe oblysynyń ońtústiginde, 24 maýsymda Qostanaı oblysynyń ońtústiginde, 23-25 maýsymda Qaraǵandy oblysynyń ońtústiginde 40 gradýsqa deıin qatty ystyq bolady.
24-25 maýsymda Qyzylorda oblysynyń ońtústiginde, 25 maýsymda Túrkistan oblysynyń dalaly jerlerinde 45 gradýsqa deıingi ystyq kútiledi. 25 maýsymda Jambyl oblysynyń ońtústiginde 43 gradýsqa deıin ystyq bolady.
Aıana Toǵanbek