ASTANA. 25 sáýir. Mysyrdyń týrızm mınıstri 1 mamyrdan bastap elge kirý úshin beriletin týrıstik vıza qunynyń qymbattaıtynyn málimdedi. Bul týraly Ntv.ru habarlady.
«Endi saıahatshylar vıza alý úshin burynǵydaı 15 dollar emes, 20 dollar tóleıtin bolady», – dedi Mysyrdyń týrızm mınıstri Hesham Zaazý. Onyń aıtýynsha, vızanyń baǵasyn ósirý burynyraqta josparlanǵan, alaıda, bılik onyń naqty kúnin belgilemeı kelgen. Budan buryn vızanyń baǵasy 2013 jyldyń qarashasynda, odan keıin bıylǵy aqpan aıynda kóteriledi dep habarlanǵan bolatyn.
Mınıstr baǵanyń ósýinen týrıster sany báribir azaımaıtynyn aıtady. «Baǵa kóterilgenimen, ol áli de álemdegi eń arzan vızalardyń biri sanalady», – deıdi H.Zaazý.
Jergilikti BAQ ókilderiniń habarlaýynsha, ústimizdegi jyldyń alǵashqy eki aıynda Mysyr 1,3 mln. týrıstti qarsy alǵan. Bul ótken jyldyń dál osy aralyǵyndaǵy kórsetkishten 28 paıyzǵa tómen bolyp shyqqan.
Aıdar О́risbaev.
Derekkóz: Ntv.ru.
Foto: Reuters.com.