Qazaqstan Respýblıkasy Úkimetiniń qaýlysymen Almaz Serikboluly Ydyrysov QR ındýstrııa jáne ınfraqurylymdyq damý vıse-mınıstri bolyp taǵaıyndaldy. Bul týraly QR Premer-Mınıstriniń baspasóz qyzmeti habarlady, dep jazady Egemen.kz.
Almaz Ydyrysov 1983 jyly Qaraǵandy qalasynda dúnıege kelgen. Qaraǵandy memlekettik tehnıkalyq ýnıversıtetin támamdaǵan.
Eńbek jolyn 2003 jyly jol jumysshysy bolyp bastady.
2005-2006 jyldary — «Qazaqavtojol» JShS tehnıkalyq-óndiristik bóliminiń jetekshi mamany.
2006-2014 jyldary — QR Kólik jáne kommýnıkasııa mınıstrliginiń qurylymynda qyzmet etti.
2014-2016 jyldary — «Qazavtojol» AQ Soltústik Qazaqstan fılıaly dırektorynyń orynbasary.
2016-2019 jyldary QR Investısııalar jáne damý mınıstrliginiń qurylymynda basshylyq laýazymdarda boldy.
2019-2022 jyldary — QR Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary – QR bas memlekettik qurylys ınspektorynyń orynbasary.
2022 jyldyń sáýirinen bastap QR IIDM Qurylys jáne turǵyn úı-kommýnaldyq sharýashylyq isteri komıteti tóraǵasy – QR bas memlekettik qurylys ınspektory boldy.