Qazaqstanda týysqan Qyrǵyzstan halqymen ózara qurmet pen tatý kórshilikke, kópǵasyrlyq dostyq dástúrlerine, tildik jáne mádenı jaqyndastyqqa negizdelip qalyptasqan qarym-qatynastar deńgeıin joǵary baǵalaıdy.
Qyrǵyz Respýblıkasyndaǵy osy jyldyń sáýirindegi qaıǵyly oqıǵalardyń alǵashqy kúninen bastap Qazaqstan týysqan halyqqa ekijaqty negizde de, EQYU-nyń Qazirgi tóraǵasy retinde de kómek pen qoldaý kórsetýde. Gýmanıtarlyq kómek kórsetildi, halyqaralyq júk jáne jolaýshy tasymaly, bilim alyp jatqan oqýshylar men stýdentterdiń baryp-kelýi toqtalǵan joq.
Sonymen qatar, kórshi memlekettegi turaqtylyqty, zańdylyq pen quqyq tártibin qamtamasyz etýdegi eleýli problemalar Qazaqstan Respýblıkasyndaǵy qaýipsizdik pen qylmystyq ahýalǵa da edáýir teris yqpal etýde. Osynyń bári el basshylyǵyn ústimizdegi jyldyń 6 sáýirinen bastap Qazaqstan-Qyrǵyzstan memlekettik shekarasyna ýaqytsha shekteýler engizýge májbúr etti.
О́kinishke qaraı, Qyrǵyz Respýblıkasyndaǵy ahýal tolyqtaı rettelý men turaqtylyqtan áli de alshaq qalyp otyr. Qazaqstan Respýblıkasynyń aýmaǵyna atys qarýyn, esirtki jáne basqa da tyıym salynǵan zattardy zańsyz alyp ótý faktileri oryn alýda.
Alaıda, Qyrǵyzstandaǵy kúrdeli áleýmettik-ekonomıkalyq jaǵdaıdy eskere jáne bizge dostas el azamattarynyń kóptegen ótinishterin nazarǵa ala otyryp, Qazaqstan Respýblıkasynyń Prezıdenti Nursultan Nazarbaev aǵymdaǵy jylǵy 20 mamyrdan bastap Qazaqstan-Qyrǵyzstan memlekettik shekarasyndaǵy:
– “Qordaı”;
– “Sypataı batyr”;
– “Aısha Bıbi” ótkizý beketterindegi ýaqytsha shekteýlerdi alyp tastaý jóninde Úkimetke tapsyrma berdi.
О́tkizý beketteri memlekettik shekara arqyly tranzıttik halyqaralyq kólik, júk jáne jolaýshy tasymalyn, jeke tulǵalardy, azyq-túlik ónimderin, dárilik preparattardy, janar-jaǵarmaı materıaldaryn, aýyl sharýashylyǵy ónimderin ótkizýdi qamtamasyz etetin bolady.
Sonymen qatar, yqtımal qaýip pen qaterlerdi der kezinde beıtaraptandyrýdy qamtamasyz etý maqsatynda shekaralyq, kedendik jáne kóshi-qon baqylaýy kúsheıtiletin bolady.
Biz Qyrǵyzstannyń Ýaqytsha úkimetin jaǵdaıdy tezdetip turaqtandyrýǵa, zańnyń ústemdigin qalpyna keltirýge jáne el halqynyń kókeıkesti problemalaryn sheshýge shaqyramyz.
2010 jylǵy 19 mamyr.