Almatydaǵy Saıran sý qoımasynan ishek taıaqshalary anyqtaldy. Mamandar endi kólge túsý óte qaýipti ekenin aıtty, dep habarlaıdy Egemen.kz.
Bul másele boıynsha Tótenshe jaǵdaılar departamenti sanıtar dárigerlermen birlese otyryp jıyn ótkizdi. Nátıjesinde qoımadaǵy sýdy tolyq aǵyzyp jiberý týraly sheshim qabyldandy. Sebebi, alynǵan synama nátıjesi zııandy zattardyń deńgeıi qalypty mólsherden bes esege artqanyn anyqtaǵan.
Tótenshe qyzmet mamandarynyń habarlaýynsha, sońǵy kezde kúnniń ysýyna baılanysty Saıranǵa shomylatyn turǵyndardyń sany kúrt kóbeıgen.
Osyǵan baılanysty arnaıy qurylǵan komıssııa tekserý jumystary aıaqtalǵansha turǵyndardy sýǵa túspeýge shaqyrady.
Kóldegi sýdy aǵyzyp jiberýge kemi 2-3 kún ýaqyt ketedi. Keıin qoımany qaıta toltyrý josparlanǵan.
Aıana Toǵanbek