Pavlodar oblysynda jeke úı aýmaǵynan zorlyq-zombylyq belgileri bar eki adamnyń denesi tabyldy, dep habarlaıdy Egemen.kz.
Oblystyq polısııa departamenti habarlaǵandaı, qaıǵyly oqıǵa 3 shildede saǵat 02.10-da Tereńkól aýdanynyń Beregovoe aýylynda Mır kóshesinde bolǵan.
«Jeke úıdiń aýlasynan 46 jastaǵy úı ıesi men onymen birge turatyn 48 jastaǵy er adamnyń pyshaq jaraqaty túrindegi zorlyq-zombylyq belgileri bar máıiti tabyldy. Marqumnyń kámeletke tolmaǵan balasy zardap shekken joq, óıtkeni ol úıdegi bólmelerdiń birinde tyǵylyp qalǵan», delingen PD habarlamasynda.
Atalǵan qylmysqa kúdikti retinde 22 jastaǵy aýyl turǵyny anyqtalyp, ustaldy. Oqıǵa ornynda qajetti tergeý áreketteri júrgizildi.
Atalǵan derek boıynsha QR Qylmystyq kodeksiniń 99-baby 2-bóligi, eki jáne odan da kóp adamdy óltirý boıynsha sotqa deıingi tergeý júrgizilip jatyr. Qylmystyń mán-jaıy tergeý barysynda anyqtalady.
«Atalǵan qylmysty tergeýmen Pavlodar oblysy PD Tergeý basqarmasy aınalysady. Is boıynsha prosess prokýrory taǵaıyndaldy», dep habarlady PD ókilderi.