Bul týraly qala ákimi Erbolat Dosaev Qoǵamdyq keńes múshelerimen, máslıhat depýtattary jáne sarapshylarmen kezdesýde málimdedi, dep habarlaıdy Egemen.kz.
Onyń aıtýynsha, qala bıligi týrıstik ınfraqurylymdy keshendi túrde damytady, oǵan: jolaýshylar sanyn 2 esege - jylyna 14 mıllıonǵa deıin arttyrýǵa múmkindik beretin áýejaıdyń jańa termınalyn salý, taý shańǵysy demalysy men ekotýrızm ortalyǵynyń qurylysy, sondaı-aq qonaq úı qoryn keńeıtý jumystary kiredi.
«Almatyny týrıstik destınasııa retinde ilgeriletý jáne týrıstik qyzmetterdiń sapasyn arttyrý úshin qalanyń jańa brendi - Discover Almaty ázirlenedi. Biz 2030 jylǵa qaraı sheteldik týrıster aǵynyn 1 mıllıon adamǵa deıin arttyrýdy josparlap otyrmyz», dedi Erbolat Dosaev.