Abaı oblysy Úrjar aýdanynda Alakól jaǵasyndaǵy demalys bazasynda órt boldy, dep habarlaıdy Egemen.kz.
«Alakól jaǵasyndaǵy demalys bazasynda aldyn ala eseptelgendeı 3 myń sharshy metr aýmaq órtenip, 4 demalys orny búlindi. Bir-birine jalǵap salynǵan aǵash úılerge órt jyldam tarap ketken. Onyń ústine qatty jel de órtti sóndirýge kedergi keltirgen. 5 saǵat 40 mınýtqa sozylǵan alapat órtti sóndirýge TJD jáne polısııa, jergilikti organdardan kelgen 186 adam men 29 tehnıka jumyldyryldy. О́rtten 7 adam zardap shekken, olarǵa tıisti medısınalyq kómek kórsetildi. Alaıda olar aýrýhanaǵa jatýdan bas tartqan», delingen Abaı oblysynyń TJD baspasóz qyzmeti taratqan habarlamada.
Qazirgi ýaqytta órttiń shyǵý sebebi anyqtalýda. Oqıǵa ornynda operatıvtik shtab jumys istep jatyr.