Atyraýda tepolovoz qaǵyp ketken 17 jastaǵy jasóspirim jedel járdem kóliginde kóz jumdy, dep habarlaıdy Egemen.kz.
Atyraý temir jol stansııasyndaǵy jelilik polısııa bóliminiń habarlaýynsha, qaıǵyly oqıǵa keshe, 6 shildede saǵat 17:00 shamasynda bolǵan. Jergilikti kolledjdiń stýdenti joldy qysqartý úshin «Qara depo» shaǵyn aýdanyndaǵy temirjoldy kesip ótpek bolǵan. Jasóspirimdi «Aqjaıyq-Teńdik» temirjol ótkelinde teplovoz qaǵyp ketti.
Mashınıstiń aıtýynsha, temirjol boıynda kele jatqan adamdy baıqaǵan. Alaıda, tejegishti basqanymen, teplovozdy toqtatýǵa úlgermegen.
«Qazir atalǵan derekke baılanysty QR Qylmystyq kodeksi 344-babynyń 2-bóligimen (Abaısyzda adam ólimine ákep soqqan temir jol kóligi qozǵalysy nemese ony paıdalaný qaýipsizdigi qaǵıdalaryn buzý) sotqa deıingi tergeý júrgizilip jatyr. О́zge aqparat QR Qylmystyq-prosestik kodeksiniń 201-babynyń talaptaryna sáıkes tergeý múddesine oraı jarııa etýge jatpaıdy», dep habarlady kóliktegi polısııa departamentiniń baspasóz qyzmeti.
«Qara depo» – Atyraý qalasyndaǵy shaǵyn aýdandardyń biri. Turǵyndar birneshe jyldan beri temirjol ústinen ótkel salý máselesin qozǵap keledi. Jergilikti ákimdik 3 jyl buryn «Qara depo» men «Hımıkter» kenti aralyǵynda jaıaý júrginshiler kópirin salý jobasy qolǵa alynatynyn habarlaǵan edi. Alaıda, joba iske asyrylǵan joq.