Qarjylyq monıtorıng agenttiginiń Qyzylorda oblysy boıynsha departamenti birneshe zańdy tulǵamen zańsyz mámile jasap, naqty oryndalmaǵan jumys úshin 2018-2021 jyldar aralyǵynda jalǵan shot-faktýra jazýmen aınalysqan «Jetiashar» JShS-niń áreketin áshkereledi, dep habarlaıdy Egemen.kz.
Kompanııa birneshe kásipkerlik nysanǵa salyqtan jaltarý maqsatynda ártúrli taýarlarǵa esep aıyrysqany jóninde qosymsha qun salyǵy kórsetilgen jalǵan shot-faktýra jazyp bergen. Onyń aınalym somasy 370 mln teńgege jetken.
Qyzylorda oblysy boıynsha memlekettik kirister departamenti memleketke tólenbegen salyq túrinde 118 mln teńge kóleminde zalal kelgenin kórsetti.
Sot úkimimen seriktestik basshysy Izbasar Aıbek kináli dep tanylyp, 6 aı merzimge bas bostandyǵyn shekteý jazasy taǵaıyndaldy.