8 shilde kúni Oral qarasyna qarasty Melovye gorkı kenti mańynda aǵaıyndy eki jigit Jaıyq ózenine batyp ketti, dep habarlaıdy
BQO TJ departamentiniń baspasóz qyzmetinen málim etkenindeı, oqıǵa 8 shilde kúni qalaǵa qarasty Melovye gorkı kenti aýmaǵynda boldy.
«Saǵat 17.35-te eki adamnyń jabdyqtalmaǵan jerden Jaıyq ózenine batyp ketkeni jóninde habar tústi. Jedel qutqarý jasaǵynyń kúshimen izdestirý jumystary barysynda 1991 jáne 2003 jylǵy aǵaıyndy jigitterdiń denesi sýdan shyǵaryldy. BQO TJ departamenti sýǵa shomylý kezinde qaýipsizdik talaptaryn saqtaý qajettigin eske salady», dep habarlady vedomstvodan.