Qazaqstandyq tennısshi Elena Rybakına Ýımbldon týrnıriniń chempıony atandy, dep habarlaıdy Egemen.kz.
Qazaqstandyq tennısshi Ulybrıtanııa ashyq chempıonatynyń sońǵy básekesinde álemniń 2-raketkasy, týnıstik Ons Jabermen bas júldeni sarapqa saldy. Bul ekeýiniń de «Úlken dýlyǵa» jarysyndaǵy alǵashqy fınaly edi.
Osyǵan deıin qarsylastar úsh ret kezdesip, sonyń ekeýinde O.Jaber jeńiske jetken edi. Birinshi partııada breık jasaǵan týnıstik sportshy alǵa ketti. Setti ol taǵy bir breıkpen támamdady – 6:3.
Esesine ekinshi setti Elena breıkpen bastady – 2:0. Taǵy bir breık – 4:1. Sodan keıin óz geımin ala bildi – 6:2. E.Rybakına úshinshi, sheshýshi partııany da breıkpen bastady – 2:0. Altynshy geımde Elena dop bergende, 0:40-tan «qutyla» aldy – 4:2. Taǵy bir breık – 5:2. Sodan keıin matchqa dop bergende, múmkindigin múlt jibergen joq – 6:2.
Osylaısha, Elena Rybakına qazaqstandyq tennısshiler arasynda tuńǵysh ret jekeleı synda «Úlken dýlyǵa» jarysynyń jeńimpazy atandy.