Ýımbldon týrnıriniń chempıony Elena Rybakına barsha jankúıerlerine alǵysyn bildirdi, dep habarlaıdy Egemen.kz.
Qazaqstandyq tennısshi «Úlken dýlyǵa» jarysynyń jeńimpazy atanǵan kezde aıryqsha sezimge bólengenin jetkizdi.
«Úlken rahmet! Matchqa deıin de, onyń barysy da maǵan ońaıǵa tıgen joq. Qarsylasyma tamasha báseke úshin alǵysymdy aıtamyn. Jankúıerlerge rahmet. Olardyń aldynda oınaý men úshin úlken qurmet edi. Men jarysty eki apta boıy jalǵastyramyn dep oılaǵanym joq. Al jeńimpaz bolý tipti ǵajap! О́zimniń komandama rahmet, ol bolmasa, bul jerde men turmas edim. Meni qoldaýǵa arnaıy kelgen Qazaqstan tennıs federasııasynyń prezıdenti Bolat Jamıtuly О́temuratovqa rızashylyǵymdy bildiremin. Ata-anam úıden qoldady, bárine rahmet!», dedi E.Rybakına.
Qazaqstandyq tennısshi 2011 jylǵy Ýımbldonnan beri eń jas jeńimpaz ataǵyna ıe boldy. 2011 jyly chehııalyq Petra Kvıtova 21 jasynda jeńis tuǵyryna kóterilgen edi.
E.Rybakına chempıon bolý arqyly óziniń tabys qoryn da molaıtty. Ol Ulybrıtanııa ashyq birinshiligi qorytyndysynda 4 mln 333 myń sterlıng (2,5 mıllıardtaı teńge) tabys tapty.